ராமதாஸ் வளையும் ரகசியம்

'உயிரே போனாலும் கொள்கையை மாற்றிக்கொள்ள மாட்டேன்' என்று சொல்வது அரசியலில் வீரம் நிறைந்த பேச்சாக இருக்கலாம் ஆனால் இயற்கை நமக்கு வேறுவிதமான பாடங்களையே கற்றுத்தருகின்றது, புயல் வீசும் பொழுது பெரிய மரங்கள் வேரோடு சாய்ந்து விழுகின்றன, வளைந்து கொடுக்கும் நாணலோ பிழைத்து நிற்கின்றது.

தமிழக அரசியலில் பிடிவாதக் காரராக தெரியும் டாக்டர் ராமதாஸ் உண்மையில் சூழ்நிலைக்குத் தக்கவாறு தன்னை மாற்றிக்கொள்கிறார் வன்னியர்-தலித் ஒற்றுமைக்காக விடுதலைச் சிறுத்தைகள் அமைப்பின் பொதுச் செயலாளர் திருமாவளவனுடன் இணைந்து பணியாற்ற அவர் விரும்பினாலும் தேர்தல் சூழ்நிலை அதற்கான வாய்ப்பை அவருக்கு வழங்கவில்லை அதற்காக அவர் கூட்டணித் தலைமையிடன் சண்டை போட்டுக் கொண்டிருக்கவில்லை.

தங்களுக்கு வழங்கப்பட்ட 31 தொகுதிகளை பெற்றுக் கொண்டார் இதை பார்க்கும் போது சூழலுக்கு தகுந்தவாறு அவர் வளைந்து கொடுக்கிறார் என்றே தோன்றுகின்றது 'வாய்ப்பு வந்து கதவை தட்டும் போது அதன் தாடியை பிடித்துக்கொள்.... தாடியை விட்டு விட்டு தலைமுடியைப் பிடித்துக் கொள்ளலாம் என்று நினைக்காதே! ஏனெனில் உன்னைத் தேடிவரும் வாய் பின் தலை வழுக்கையாக இருக்கலாம் என்ற பல்கேரியப் பழமொழியை ராமதாஸ் நன்கு அறிந்து வைத்திருப்பார் போலிருக்கின்றது.

சமீபகாலமாக டாக்டர் ராமதாஸீம் திருமாவளவனும் ஒற்றுமை குறித்து கவனாமக இருந்தனர் என்றாலும் கூட அவர்களால் ஒரே அணியில் இடம் பெற முடியவில்லை, ஏனென்றால் தமிழக அரசியலில் அவர்கள் முக்கிய கதாபாத்திரங்களால வேண்டுமானால் இருக்கலாமே தவிர முதன்மை நாயகர்களாக இல்லை தங்கள் வழையை தாங்களே தீர்மானித்து கொள்ளும் சூழல் இன்று அவர்களுக்கு இல்லை, கூட்டணியில் விடுதலைச் சிறுத்தைகளை சேர்த்து கொள்ள வேண்டும் என்று 'கோரிக்கை' வைக்கும் நிலையில் தான் ராமதாஸ் இருந்தாரே தவிர அதை தீர்மாணிக்கும் சக்தி அவரிடம் இல்லை

அணி மாறுவது என்பது எல்லா கட்சிகளுமே செய்வது தான் சில கட்சிகள் கொள்கைக்காக இடம் மாறும், சில கட்சிகள் இடம் கிடைக்கிறதே என்று இடம் மாறும். பாமகவை பொறுத்தவரை ஒவ்வொரு தேர்தலிலும் தங்களை மதித்து அதிக இடங்களை கொடுக்கும் அணிக்கு அது சென்றிருக்கின்றது, இதனால் யாருடைய கொள்கைக்கும் எந்த விதமான சேதமும் நேர்ந்து விடுவதில்லை

திருமண வீட்டுக்குச் செல்பவர்கள் அவரவர் வீட்டு சமையலறைய இடுத்துவிட்டுச் செல்வதில்லை ஒரு நாள் விருந்து அல்லது ஒரு வேளை விருந்து முடிந்த பின் அவரவர் வீடுகளுக்குத் திரும்பிவிடுகிறார்கள் அடுத்த நாள் முதல் தங்கள் வீடுகளிலேயே சமைக்கிறார்கள தேர்தல் என்பது திருமண விழா போன்றதே என்பது கூட்டணி அமைப்பது திருமண் விந்துக்கு வருவதைப்போலத்தான் என்பதும் அறிஞர் அண்ணாவின் கருத்து இந்தத் தத்துவத்தை மிகச் சரியாக புரிந்து கொண்டிருக்கிறார் டாக்டர் ராமதாஸ்.

வன்னியர்களுக்கு தனி இட ஒதுக்கீடு கோரி 1987ம் ஆண்டு செப்டம்பர் மாதம் ஒரு வாரகாலம் டாக்டர் ராமதாஸ் நடத்திய சாலை மறியல் போராட்ட, தீவிரமான ஒரு பாராட்டம், 'வன்னியர் சங்கம்' என்ற பெயரில் மட்டுமல்லாமது பிற்படுத்தப்பட்டோர் நல அரசியலிலும் சமூக நீதியிலும் அக்கறை கொண்டவர்களையும் டாக்டர் ராமதாசை உன்னிப்பாக கவனிக்கச் செய்தது தமிழகத்தின் கவனம் அவர்பக்கம் திரும்பிய நாட்கள் அவை.

அதன் பிறகு நடந்த 1989 ம் ஆண்டு சட்ட மன்றத் தேர்தலில் 'தேர்தல் புறக்கணிப்பு' என்ற முழக்கத்துடன் அவரது தேர்தல் பயணம் தொடங்கியது, 'ஓட்டுப் பொறுக்கிகளே உள்ளே நுழையாதீர்கள்' என்று பல கிராமங்களில் கட்சிகள் பிரசாரத்துக்கு நுழைவதே தடை செய்யப்பட்டது.

அடுத்த ஆண்டிலேயே அரசியல் கட்சியாக அவதரித்தது வன்னியர் சங்கம் பாட்டாளி மக்கள் கட்சி என்ற பெயரில் கிளம்பிய பின்னணியில் நடைபெற்ற 1991 சட்டமன்றத் தேர்தலில் முதன் முதலாக களம் இறங்கியது, அந்தத் தேர்தலில் திமுக ஒரே ஒரு இடத்தில்தான் வெற்றி பெற்றது, அது போல பாமகவும் ஒரு இடத்தில் ஜெயித்தது, கட்சியின் முதல் எம்எல்ஏ வாக வெற்றிபெற்றார் பண்ருட்டி ராமச்சந்திரன்.

1996ல் திமுக தலைமையிலான ஏழு கட்சிக் கூட்டணியில் இருந்து போராடிக் கொண்டிருந்த பாமக தேர்தல் தொகுதிப்பங்கீட்டில் திமுகவுடன் அதிருப்தி கொண்டு (அப்போது பாமகவுக்கு திமுக அளிக்க முன்வந்த சட்டமன்ற தொகுதிகள் - 4, இன்று அதே திமுக தந்திருப்பது - 31) வாழப்பாடி ராமமூர்த்தி நடத்தி வந்த திவாரி காங்கிரசுடன் இணைந்து தேர்தலை சந்தித்தது, அந்தத் தேர்தலில் அதிமுகவுக்கு நான்கு இடங்கள் கிடைத்தன. அதே அளவு இடத்தை பாமகவுக்கு மக்கள் வழங்கினர்

1998 நாடாளுமன்றத் தேர்தலில் அதிமுக கூட்டணியில் இணைந்து பாமக 5 இடங்களில் போட்டியிட்டது, தலித் எழில்மலை என்ற தலித் ஒருவரையே அமைச்சராக்கி சமூக நல்லிணக்கம் என்ற முழக்கத்துக்கு வலு சேர்த்தார் ராமதாஸ், 1999 தேர்தலில் திமுக அணியிலிம் அடுத்த நடந்த 2001 சட்டமன்றத் தேர்தலிலும் அதிமுக அணியிலும் இணைந்தார். கணிசமாண இடங்களில் வெற்றிபெற்ற பாமக வுக்கு அரசியல் வரைபடத்தில் எல்லாம் ஏறுமுகமாகவே இருந்தன, 2004 நாடாளுமன்றத் தேர்தலிலும் 2006 சட்ட மன்றத்தேர்தலிலும் தான் அவர் திமுக தலைமையிலான கூட்டணியில் நீடிக்கிறாற்.

மீடியாக்களில் அவரது அணிமாற்றங்கள் சந்தர்ப்ப வாதமாக சித்தரிக்கப்பட்டாலும் கூட அவரது கட்சியின் வளர்ச்சிக்கு அந்த அணி மாற்றங்கள் உதவி இருக்கின்றன. அஎன்பதை ஒப்புக்கொள்ளத்தான் வேண்டும், தொடக்க காலத்தில் வன்னியர் சங்கமாக செயல்பட்ட காரணத்தினாலோ என்னவோ பிற சமூகத்தினர் மத்தியில் பாமகவுக்கு பெரிய அளவில் செல்வாக்கு இல்லை அதனால் ஒடுக்கப்பட்ட மக்களின் அமைப்பாக மாற்ற விரும்பினார் சிறுபான்மையினர் மற்றும் தலித் மக்களுடன் இணைந்து செயல்பட அவர் தீவிர முயற்சிகளை மேற்கொண்டார் இருப்பினும் தமிழகத்தின் வடமாவட்டங்கள் தவிர தெற்கில் கால்பதிக்கும் நோக்கத்ஹ்டில் பசுபதி பாண்டியன் மற்றும் பழனிபாபா ஆகியோரை சேர்த்துக்கொண்டு அவர் நடத்த முயன்ற அரசியலுக்கு வரவேற்பில்ல.

எவ்வளவோ முயன்றும் தன் முயற்சிகள் வன்னியர் என்ற அடையாளத்துடன் இணைத்தே பார்க்கப்படுவதையும் வன்னியர்கள் மத்தியிலும் தனது செல்வாக்கு குறிப்பிடத்தக்க அளவுடன் நின்று போனதையும் ராமதாஸ் உணர்ந்திருக்க கூடும் எஅனவே தான் சமூக நீதியுடன் நிற்காமல் அவரது அடுத்த அவதாரமாகப் பண்பாடு சீரழிவதைத் தடுக்கும் முயற்சிகள் தொடங்கின, ஏற்கனவே மது எதிர்ப்பு, புகை எதிர்ப்பு சினிமாவுக்கு ஐந்தாண்டு காலத் தடை போன்ற கருத்துகளைப் பேச ஆரம்பித்தார்.

இதற்கிடையே 'தமிழ் பாதுகாப்பு இயக்கம்' என்ற பெயரில் திருமாவளவனுடன் கைகோர்த்து இரு சமூக மக்கள் மத்தியிலும் அவரது இமேஜை உயர்த்தியது (இங்கே கவனிக்கவும் பாமக-விடுதலை சிறுத்தைகள் மத்தியில் என எழுதாமல் இரு சமூக மக்கள் மத்தியிலும் என எழுதியிருப்பதை.)

இந்த 2006 சட்டமன்றத் தேர்தலில் வேறு வேறு அணிகளில் அவர்கள் இருவரும் நின்றாலும் எதிர்காலத்தில் அவர்கள் இருவரும் ஒரு மாற்று அரசியலை முன்வைத்து தனியாக நிற்பார்கள் என்பதே அரசியலைக் கூர்ந்து நோக்குபவர்களது நம்பிக்கை அப்படி ஒரு காலகட்டம் வரும்போது டாக்டர் ராமதாஸின் தற்போதைய அரசியல் முடிவுகள் எவ்வளவு தூரம் முன்னுணர்ந்து எடுக்கப்பட்டவை என்பது புரியக்கூடும்.

நன்றி விகடன்.காம்

விகடன் இணையதளத்திலிருந்து(ஜீனியர் விகடன்) எடுக்கப்பட்டுள்ளது, இதில் தமக்கு தேவையானதை மட்டும் எடுத்து வெட்டி ஒட்டாமல் முழுகட்டுரையும் இதில் இடுகின்றேன். அடைப்புக்குறிக்குள் இருப்பது மட்டும் நான் எழுதியது.

கிட்டத்தட்ட இதே கருத்துகளை முன்வைத்து நான் எழுதிய முந்தைய பதிவு சமாஜ்வாடி கட்சியும் பாமகவும்

12 பின்னூட்டங்கள்:

said...

குழலி அவர்களே, டோண்டு அவர்களின் பதிவில் இட்ட பின்னூட்டத்தில் இந்த பதிவுக்கு சம்பந்தமுள்ள முதல் இரண்டை மட்டும் இங்கும் பதிக்கிறேன். இதில் தங்கள் நேர்மையான கருத்தை தெரிந்து கொள்ளலாமா?

குழலி அவர்களுக்கு,

1. தலித் மேம்பாட்டில் பெரும் ஈடுபாடு கொண்டு, 'குஷ்பு எதிர்ப்பு' மற்றும் 'சினிமா பெயர்களை தமிழ் படுத்துதல்' போன்ற அருந்தொண்டாற்றிய மருத்துவர் பெருந்தகை, கையால் மலம் அள்ளுதல் போன்ற கொடுமைகளுக்கு எதிராக போராட்டம் எதுவும் நடாத்தியாதாகத் தெரியவில்லையே.

2. 'தங்கர் பச்சான் பாதுகாப்பு இயக்கம்', மன்னிக்கவும், தமிழ் பாதுகாப்பு இயக்கம் நடத்தும்போது தேவைப்பட்ட திருமா, ஏன் தேர்தலின் போது ஐயாவுக்கு தேவைப்படாமல் போனார்? தலித்துகள் உரிமைதான் முக்கியம் என்றால், திருமா அழைத்தபோது, வெளியே வந்து 3-ஆவது அணி அமைதிருக்கலாமே? ஆதுவும் வேண்டாம் சாமி, ஜெ அணியில் இணைந்து திருமாவுடனே இருந்திருந்தால் வன்னியர்-தலித் ஒற்றுமை வட மாவட்டங்களில் பாதுகாக்கப்பட்டிருக்குமே. (இன்னமும் கூறப்போனால், பா.ம.க வின் முறைப்படி ஜெ-மு.க-ஜெ-மு.க வரிசைப்படி, இந்த தடவை அவர்கள் ஜெ-விடம்தான் சேர வேன்டும் :-) ) அன்புமணியின் பதவியைத்தவிர வேறு எதுவும் காரணம் இருப்பதாகத் தெரியவில்லை. 'ஜாதிக்கட்சி' என்ற முத்திரையே கண்டிப்பாக ராமதாஸுக்கு ப்ளஸ் தானே தவிர மைனஸ் இல்லை. இவருடைய குடும்ப அரசியலை மறைக்க 'ஜாதிக்கட்சி' முத்திரையை ஒரு தந்திரமான கேடயமாக பயன்படுத்தி வரும் ராமதாசுக்கும், மு.க வுக்கும், ஜெ வுக்கும் பெரிய வித்தியாசமில்லை.

மேலும், 'மீடியா வன்முறை' என்று குறை கூறிவிட்டு, மீடியாக்களை இன்று துணைக்கு கூப்பிடும் நீங்கள், அவர் ஜெ அணியில் சேர்ந்திருந்தால், இதே மீடியா வேறு மாதிரியான விமர்சனங்களை எழுதியிருக்கும் என்று உணர்கிறீர்களா?

ராமதாஸ் வளையும் ரகசியம் பதவியும் அதிகாரமும் தான், இதை சற்றே பாலிஷ் அடித்து, கட்சி வளர்ச்சி என்று எழுதும் மீடியாக்களை நீங்கள் துணைக்கு அழைத்தாலும் கூட.

said...

விகடன்ல வந்ததா இது? நான் உங்க சொந்த சரக்கு, முதுகை முறுக்கேத்திகினு வந்துட்டீங்களோன்னு நெனச்சேன்!:-)

பலே...பலே...நல்லா எழுதிக்கிறாங்க!
வாழ்த்துக்கள் மற்றும் நன்றி!

said...

குழலி விகடனில் அம்மாவிடம் அடைக்கலமாகும் ரஜினி ரசிகர்கள் படித்தீர்களா?

said...

//(இங்கே கவனிக்கவும் பாமக-விடுதலை சிறுத்தைகள் மத்தியில் என எழுதாமல் இரு சமூக மக்கள் மத்தியிலும் என எழுதியிருப்பதை.)//
சூப்பர் தல

said...

//ஏனென்றால் தமிழக அரசியலில் அவர்கள் முக்கிய கதாபாத்திரங்களால வேண்டுமானால் இருக்கலாமே தவிர முதன்மை நாயகர்களாக இல்லை தங்கள் வழையை தாங்களே தீர்மானித்து கொள்ளும் சூழல் இன்று அவர்களுக்கு இல்லை, கூட்டணியில் விடுதலைச் சிறுத்தைகளை சேர்த்து கொள்ள வேண்டும் என்று 'கோரிக்கை' வைக்கும் நிலையில் தான் ராமதாஸ் இருந்தாரே தவிர அதை தீர்மாணிக்கும் சக்தி அவரிடம் இல்லை//
அப்பாவிதமிழன் பதிவை படியுங்கள்

said...

குழலி,
வணக்கம்.

>>சூழலுக்கு தகுந்தவாறு அவர் வளைந்து கொடுக்கிறார் என்றே தோன்றுகின்றது ' <<

குழலி, தங்களிடம் சில கேள்விகள்:
[1]பா.ம.க வின் கொள்கைகள்
என்ன என்பதை தயவு செய்து எனக்கு
தெரியப்படுத்த முடியுமா?

[2]மேலே உள்ள தங்களின் வாக்கு மூலத்துடன்[statement]எனக்கு உடன்பாடு இல்லை. கடந்த 10 ஆண்டுகளாக ஏதாவது ஓர் ஆளும்
கூட்டணியில் அங்கம் வகித்து வரும்
பா.ம.க, பல அமைச்சுக்களையும்
தன் வசம் வைத்துள்ளது. இந்த நிலையில் பா.ம.க கடந்த 10 ஆண்டுகளில் தங்களின் கொள்கைகளில்
50% ஆயினும் நிறைவேற்றி இருக்கலாம். இவர்கள் உண்மையிலேயே கொள்கை உறுதி உள்ளவர்களயின் , தமக்குக் கிடைத்த
அமைச்சுப் பொறுப்புக்களை வைத்தே
தங்களின் சமூகத்திற்கு பல சேவைகள்
செய்திருக்கலாம். அப்படி இவர்கள்
செய்தார்களா? இல்லையே! கடந்த 10 ஆண்டுகளில் பா.ம.க, வன்னிய மக்களுக்கோ, அல்லது தலித் மக்களுக்கோ செய்த சேவைகளை/நன்மைகளை பட்டியலிட முடியுமா? தனது மகனை அமைச்சர் ஆக்கியதைத் தவிர, மருத்துவர் இராமதாசு, தான் பிரதிநிதிப்படுத்துவதாக கூறிக் கொள்ளும் சமூகத்திற்கு உருப்படியாக
ஏதாவது செய்தாரா? அரசியல் இலாபத்திற்காக , சாதியின் பெயரால்
கட்சி அமைத்து, தான் பிரதிநிதிப்படுத்துவதாகக் கூறிக் கொள்ளும் ஒரு குறிப்பிட்ட சமூகத்தையும் ஏமாற்றி, தமிழ் நாட்டையும் முன்னேற்றப் பாதையில்
இட்டுச் செல்லாது, பின் தள்ளுகிறார்.

said...

குழலி,
இந்தக் கட்டுரையை எழுதியது யார் என்று போட மாட்டீர்களா?

said...

//அப்போது பாமகவுக்கு திமுக அளிக்க முன்வந்த சட்டமன்ற தொகுதிகள் - 4, இன்று அதே திமுக தந்திருப்பது - 31) //

1996 இல் திமுக பாமகவுக்கு தர முன்வந்த இடங்கள் 25 என்று நினைக்கிறேன். அதற்கு மருத்துவர் அய்யா, கலைஞர் என் வேட்டியை உருவப் பார்க்கிறார் என்று கருத்து கூறியிருந்தார். நீங்கள் கூறும் 4 இடங்கள் நாடாளுமன்றத் தொட்குதிகளாக இருக்கலாம்.. என் நினைவு சரிதானா என்பதைச் சரி பார்த்துக் கொள்ளுங்கள்..

said...

//குழலி,
இந்தக் கட்டுரையை எழுதியது யார் என்று போட மாட்டீர்களா?
//
ஜென்ராம் என்று ஒருவர், யாரென்று தெரியவில்லை தற்போது தான் அவரது கட்டுரைகளை பார்க்கின்றேன், தெருத்தொண்டரே ஒரு சந்தேகம் ஒருவேளை நீங்க தானா அது??

said...

//1996 இல் திமுக பாமகவுக்கு தர முன்வந்த இடங்கள் 25 என்று நினைக்கிறேன். அதற்கு மருத்துவர் அய்யா, கலைஞர் என் வேட்டியை உருவப் பார்க்கிறார் என்று கருத்து கூறியிருந்தார். நீங்கள் கூறும் 4 இடங்கள் நாடாளுமன்றத் தொட்குதிகளாக இருக்கலாம்.. என் நினைவு சரிதானா என்பதைச் சரி பார்த்துக் கொள்ளுங்கள்..
//
25 சட்டமன்ற தொகுதிகள் கேட்டதற்கு திமுக தர முன்வந்தது 4 சட்ட மன்ற தொகுதிகள் என்று தான் நினைவு,பாமக பொதுக்குழுவில் இது கூறப்பட மதிமுகவுடன் கூட்டணி அமைத்து போட்டியிட முடிவெடுக்கப்பட்டது (பிறகு அதுவும் நிறைவேறாமல் தனித்து போட்டியிட்டனர்) அப்போது குறைந்தது 8 சட்டமன்ற உறுப்பினர்கள் இருந்தால் தான் மாநில கட்சி என்ற அங்கீகாரம் கிடைக்கும் இவர்கள் 4 தொகுதி தந்தால் என்ன செய்வது என்ற புலம்பலும் அப்போது கேட்டது.

1998 தேர்தலில் அவர்கள் பாமகவுக்கு தர முனைந்தது 1 தொகுதி, மாநில கட்சி அங்கீகாரத்திற்கு தேவை குறைந்தது 2 பாராளுமன்ற உறுப்பினர்கள் அப்போதும் இதே புலம்பல் தான் பிறகுதான் அதிமுகவுடன் கூட்டணி உருவானது.

said...

முந்தைய பின்னூட்டங்களில் தொகுதி எண்ணிக்கைகள் என் நினைவிலிருந்து எழுதினேன், ஏதேனும் தவறு இருந்தால் தெரிவிக்கவும்

நன்றி

said...

25 சட்டசபைத் தொகுதிகளும் 2 நாடாளுமன்றத் தொகுதிகளும் தர திமுக முதலில் முன் வந்தது. அதன் பிறகு தமிழ் மாநில காங்கிரஸ் உதயமாகி திமுகவுடன் உடன்பாடு செய்து கொள்ளும் நிலை வந்தவுடன் பாமக்வுக்குத் தர முன்வந்த 25 தொகுதிகளை 15 தொகுதிகளாக கருணாநிதி குறைத்தார். இதை டாக்டர் ராமதாஸ் ஏற்கவில்லை.

இதுவே எனது நினைவு..