நரி, சிறுத்தை மற்றும் சிங்கம்

ஒரு காட்டுல ஒரு சிங்கம், ஒரு சிறுத்தை ஒரு நரி இருந்துச்சாம்,
சிங்கத்துக்கும் சிறுத்தைக்கும் உடம்புல பலம் இருக்குற அளவுக்கு
குறுக்கு புத்தியில்லையாம், நரிக்கு உடம்புல பலம் இல்லைனாலும்
குறுக்கு புத்தியிருந்துதாம் அதனால எப்போ பார்த்தாலும் சிங்கத்துக்கும்
சிறுத்தைக்கும் இடையே கோலிமூட்டி விட்டுக்கிட்டே இருக்குமாம்
சிங்கமும் சிறுத்தையும் புர்... புர்... னு மோதிக்கிட்டே இருக்குமாம்
இதனால எப்போதுமே அந்த காட்டுலே நரியோட நாட்டமைதானாம்
இப்படியே பல தலைமுறையா நரியோட நாட்டாமைதான்...

இப்படியிருந்த சமயத்துல சிங்க கூட்டத்துல எல்லாருக்கும் வைத்தியம்
பாக்குற ஒரு சிங்கம் யோசிச்சிதாம், நாம நரிய விட பலமாயிருக்கோம்
அப்புறம் என்ன நரியிங்க நாட்டாமை செய்யுதுனு, இது தெரிஞ்ச நரி
காவல் நாய்களை ஏவி விட்டது சிங்கத்துமேல, சொந்த பலம் தெரியாம
இருந்த சிங்கங்களுக்கு கொஞ்சம் அடிதான் இந்த நாய்ங்க குதறனதுல.

ஆனா சிங்க கூட்டத்துக்கு பலம் என்னனு தெரிஞ்சிடுச்சி அதனால நரியை
எங்க பார்த்தாலும் ரவுண்டு கட்ட ஆரம்பிச்சிடுச்சி, சண்டை போட்டுகிட்டு இருந்த சிங்கமும் சிறுத்தயும் பழசையெல்லாம் மறந்து கூட்டணி வச்சிக்கிச்சாம், ஏற்கனவே சிங்கம் முழிச்சிக்கிட்ட அடியையே நரியால தாங்க முடியல, இப்போ சிறுத்தை வேற சிங்கத்தோட கூட்டணியானு நரிக்கு கலங்கிடுச்சி, அதனால நரி உடனே நாய் வேசம் போட்டுக்கிச்சாம்,

நரிய காணோமேனு சிங்கம் தேடிக்கிட்டு இருந்தப்ப நரி நாய் வேசம் போட்டது தெரிஞ்சிடுச்சாம், சிங்கமா போன நாய் வேசத்துல இருக்குற நரி உசாராயிடுமினு சிங்கமும் குரங்கு வேசம் போட்டுகிட்டு நரிய ஃபாலோ செஞ்சிதாம்.

ஒரு நாள் நாய் வேசம் போட்ட நரிய சிறுத்தை ஒன்னு தன்னை நெருங்கறத கண்டுச்சி. சிறுத்த கிட்ட மாட்னா காலின்னு நாய்க்கு தெரியாதா என்ன... தப்பிக்கறதுக்கு இப்ப என்னடா பண்ணலாம்னு யோசிச்ச நாய், பக்கத்துல கொஞ்சம் எலும்புத்துண்டுங்க கெடக்கறத பாத்திச்சி... உடனே சிறுத்தைக்கு தன் பின்புறத்தை காட்டி உக்காந்து எலும்பை கடிக்க ஆரம்பிச்சிது... சிறுத்தை நெருங்கவும், 'ங்கொக்கமக்கா... சிறுத்த கறி ருசியாத்தான் இருக்கு, இன்னிக்கி இன்னொரு சிறுத்த கெடச்சா கூட நல்லாத்தான் இருக்கும்' ன்னுச்சி... இத கேட்டவுடனே 'அடடா ஆழம் தெரியாம கால வுட இருந்தேனே... நல்ல வேளையா நூலிழையில தப்பிச்சோம்டா சாமி, மாட்டியிருந்தா என்னா ஆகியிருக்கும்'னு நினைச்சி சிறுத்தை நைசா சைடுல ஒதுங்கிகிச்சி......

இந்த கூத்தயெல்லாம் மரத்துல உக்காந்து குரங்கு வேசம் போட்ட சிங்கம் கவனிச்சிகிட்டே இருந்திச்சி... இந்த சிறுத்தகிட்ட நரியோட நாய் வேசத்தை கிழிக்க இதான் சான்சுனு உடனே அது சிறுத்தய பாக்க ஓடிச்சி... குரங்கு சும்மாகாச்சிக்கும் அம்மணமா ஓடாதேன்னு நாய்க்கு தோனிச்சி... பாவம் அந்த நாய் வேசம் போட்ட நரிக்கு அது குரங்கு வேசம் போட்ட சிங்கம்னு தெரியல சீக்கிரமே சிறுத்தய வளச்சிடுச்சி...

அந்த நாய் வேசம் போட்ட நரிய உண்டு இல்லையின்னு ஆக்கிபுடுறேன்'னு சொல்லி ரெண்டு பேரும் கெளம்பினாங்க...குரங்குவேசம் போட்ட சிங்கமும் சிறுத்தையும் கூட்டணி போட்டு வர்றத நாய் வேசம் போட்ட நரி பாத்துச்சி... இதுங்க ரெண்டும் சேந்து வேற வருதுங்களே, இப்ப நமக்கு ஆப்பாச்சே, எப்படி தப்பிக்கலாம்னு சட்னு ஒரு யோசனை பண்ணிச்சி... உடனே பழைய மாதிரியே அதுங்களுக்கு எதிர்ப்பக்கமா உக்காந்துகிட்டு "எங்க அந்த அறிவு கெட்ட குரங்கு... ஒரு சிறுத்தைய புடிச்சிகிட்டு வர்றதுக்கு இவ்ளோ நேரமா" ன்னு சவுண்ட் விட்டுச்சி...

அப்படியே சிங்கமும் சிறுத்தையும் ஆளுக்கு ஒரு பக்கமா போயி அந்த நாய் வேசம் போட்ட நரியோட இரண்டு கண்ணத்திலயும் பொளேர்னு அடி போட்டுச்சிங்க. நல்லா பாரு இது குரங்க்கா சிங்கம்டா சிங்கம், நீ என்ன தான் நாய் வேசம் போட்டாலும் உன் புத்தி நரி புத்தினு எங்களுக்கு தெரியாதா என்ன? ஓடிப்போயிடு இந்த காட்டைவிட்டுனு அடிச்ச அடியில நரி ஊளையிட்டுக்கிட்டே காட்டை விட்டு ஊருக்குள்ளார ஓடிடுச்சாம், அங்க போயி தான் தான் அந்த காட்டுக்கே ராசானு கதை உட்டுக்கிட்டு திரியுதாம், இந்த கதையெல்லாம் சிங்கமும் சிறுத்தையும் ஊருக்குள்ள வர வரைக்கும் தான்னு அதுக்கு தெரியாதா என்ன?

முகமூடியின் நாய், சிறுத்தை மற்றும் குரங்கு என்ற பதிவிற்கும் இதற்கும் எந்த தொடர்புமில்லை, இது முழுக்க முழுக்க கற்பனையே,

ஒலிக்கும் பறை உங்க வேலையை நான் எடுத்துக்கிட்டேன்... மன்னிச்சிகோங்க...